قولوا لها
يللي تجون بحولها
مهما الضروف تباعدت
أبنتظر مرسولها
قولوا لها .. عني بعد
مهما المسافة عاندت
أو الخُطا ما ساعدت
أبنتظر وصولها ..!!
وقولوا لها
إن السنين القاسية
من بعد ذيك الناسيه
يا طولها
يا طولها ..!!
وقولوا لها
إني .. أنا
من كثر ما فيني عنا
عجزت أساير قصتي
وارسم لها
فصولها ..!!
يا شمس يا ذات الشعاع
لا تشرقي بلحظة وداع
وخلي الألم في داخلي
ما تلمسه بكفوفها ..!!
واذا بكت
أو اشتكت
خذوا قصيدة حُبنا
باحساسنا .. غنوا لها ..!!
يا ليل يا هم وعذاب
يا مخفياً ذاك السحاب
مهما تمادى بظلمتك
أبستمع لحروفها ..!!
ولا من سمعتوا همسها
حبيبتي .. قوموا لها ..!!
تصدقون ..!!
إن الحياة بدونها
ومن غير شوف عيونها
صارت مثل بيراً جفاف
لا خاصمت مكنونها..!!
والمشكلة ما صرت أشوف
حتى النقط فوق الحروف
من يوم ماتت فرحتي
وضاع بعيوني زولها ..!!
ومن يوم غابت ضحكتي
وخانت حروفي عبرتي
كانت متوني صابره
ما تشتكي لحمولها
كنت أنتظر .. تحت المطر
وتحت الشجر .. واغصونها
متى تجيني مسرعه
وأسمع خطاوي رجولها ..!!
يا من عرفتوا مطلبي
كاني أبي .. أو ما أبي
قولولها
قولولها
بنطر بيوم وصولها ..!!
ليست هناك تعليقات:
إرسال تعليق