وماتت ..
فرحتي فيها ..!
بعد ما كنت مغليها
وبعد ما شفت وبنفسي
يلامس بيّده إيديها ..!
هنا .. حارت بي الخطوة
ومدري وش حصل فيها
وقفت وما قدرت أحكي
سوى بإحساس يبكيها ..!
أنا أستاهل تبيعيني ..؟
أنا أستاهل تخونيني ..؟
أنا بسألك وش سويت
عشان اليوم تنهيني ..؟؟
كتبت الشعر لعيونك
ورسمت أحلام بإيديني
ونسيتي من يحبونك
بعمرك ما عطيتيني ..!
إحساسك الميت / وطعم الخيانـه
...................ما عاد تعني في حساباتنـا شـي
ما ارضى أنا بالذل / وإلا المهانـه
...................ما دام راسي يابعد خافقي حي ..!!
وأنكسر ذاك القلم ..
فوق سطر من الندم
وحتى حرفي في لساني
صابته حيره .. وهم ..!
يا نهايات المحبة
يا بدايات الألم
باركي للي أحبه
ما بقى بالعرق دم ..!
كنتي أجمل ذكرياتي
وكنتي فرحه في حياتي
وأنقلب هالحال فجأه
وصرتي من باقي شتاتي ..!
يا بقايا الشوق فيني
إنسى عطفي وامنياتي
ويالدموع إللي بعيني
لا يثيرك شي فاتِ
روحي وانسي ما كتبته
ويكفي ما جاني وشفته
روحي وانسيني وعيشي
أقسم ان الحب عفته ..!
احذفيني من حياتك
وبرمي لباسِ لبسته
واوعدك ما أبكي بـ / مماتك
دام جرحك ما نسيته ..!
تمثالك المكسور / ما عاد له ظل
...................أصبح عديم الفايدة فـي مكانـه
بكتب عليه بدم واحساس منشل
....................عذّب مشاعر صاحبه ثم خانه ..!!
ليست هناك تعليقات:
إرسال تعليق