شف عيوني
ودها تبكي عليك ..!
مشكلتها
ما تبي غيرك .. تبيك
وخافقي محتار .. والسبّه جفاك
ما علاجه ..
غير لمسه من يديك
نبضي إللي .. عاهدك واعلن وفاه
وهمس ظلي .. عانق بقربك دفاه
والسحايب ..
بشوق ذايب
عانقت كل الكواكب
والقمر نوره .. جفاه ..!
يا زمان الصد
يا كل الجروح
ليش تتعبني
وانا ودي أروح
ما كفاك إللي بقلبي ما كفاك ..؟
الجسد ميت ..
وشوقي فيه روح ..!
ويا قوافي ..
بس كافي ..
ما عرفت اعزف هواه..!
وكل وافي ..
صار حافي ..
وهجر محبوبه كواه ..!
وكل غايب ..
بلا سبايب ..
أختفى بذيك الغيوم
وحتى عطري ما غواه ..!
الأمل
ما عاد له عندي وجود
ضاع مني
وما أظن إنه يعود
والسراب
إللي لمحته في سماه
صارت أطرافه
عل القمرا سجود ..!
صدقيني ..
لو تبيني ..
ما بقى لجلك شعور
شتتيني ..
واحرقيني ..
شمع في حزّة سحور ..!
واتركيني
لا تجيني
دام قلبي لك زرعته
وبالنهاية صار بور ..!
ليست هناك تعليقات:
إرسال تعليق