هذا حبيبـي ذبحنـي لـون خصلاتـه
.................من زين طبعه يغار الذوق مـن ذوقـي
إذا ألتفت واستلمنـي سهـم غمزاتـه
.................كـن الثريـا تعـلاّ عقدهـا فوقـي
يازين طبعه .. ومنطوقـه .. وبسماتـه
.................دلوع ..غانج .. وفي .. ما يلبس الطوقي
يحبـس دموعـه وتفكيـره وعبراتـه
.................واسمع صداها بنبض القلـب وعروقـي
لامن ضحكلي يجنن صـوت ضحكاتـه
.................اصابعي ترتجف للحيـن مـن شوقـي
واذا لفانـي وجـر الصـوت لهفاتـه
.................ضاعت علومي وضاعت بالخلا نوقـي
ألغى علوم الفلك والكـون فـي ذاتـه
.................من يوم تسبق رعـوده لمعـة بروقـي
تشبـه عيونـه وتكوينـه وجمـراتـه
.................لا طلعت الشمس فوق الناس بشروقي
ليست هناك تعليقات:
إرسال تعليق