يابنت دمعك لـو يسـوي غـاره
......................برضيك واطفي لهفتي بشفاتـي
يـا بنـت مثلـك مـا يـدوّر ثـاره
......................القلب يحيـا لو حبيبه ماتـي
في بيـر حبـك تندفـن أسـراره
......................أعطيك عمري ما طلبتك هاتي
الـروح مسكـن والمحـبـة داره
......................لا شفت زوله تختفي شرهاتـي
ياحـظ منهـو فـي بــلاده زاره
......................إثبات بُـعده تعلنه آهـاتـي
إسمه نقشته من زمـن فالحـارة
......................وصورة عيونه زيّنت لوحاتـي
إبريـق حُبـه لـو كوتنـي نــاره
......................ما والله اذكر للبشـر غلطاتـي
أطرب لصوته وانتظر تكراره
......................همسه يعالج كربتـي وازماتـي
ماظن نفسـي بالهـوى محتـارة
......................مــن دون صوته ترتفع زفراتي
بمشي زمانه لو تطول أسواره
......................خطوات دربـه كنّها خطواتـي
ليست هناك تعليقات:
إرسال تعليق