الرسايـل والوسايـل والهدايـا والثريـا
....................كلها كانت تنادي يانظر عينـي يبونـك
والله إنك يا بعدهم بين أضلاعـي هنيّـا
....................القصايد والمشاعر كِنّها نامـت بدونـك
كم تمنيت ألتقي بك وأفرح بـذاك المحيّـا
....................كنت صابر في غيابك أنتظر تمطر مزونـك
لو عطوني شي واحد خير عن مليون شيّـا
....................ما قبلت إلا بنظرة تروي عيني من عيونـك
من عرفتك فز قلبي واختفى همـه وعيّـا
....................قال نامي في مكانك والله يا عمري لصونك
حتى شوقي في غيابك ما لقى للهجر فيّـا
....................الأماكن والمساكن لو اطاوعهـم يجونـك
نبض قلبي يا غناتي دق في صدري كذيّـا
....................كل زفره من عروقه ودّها تروي غصونك
لو طويتي من حياتك صفحة التاريخ طيّـا
....................والله إنه ما طرالي أنسى تاريخي واخونـك
كان باقي في حياتك للمشاعر نبض حيّـا
....................اعزفي لاوتار قلبي لحن من باقـي لحونـك
المعاني والأمانـي تطلبـك وتقـول هيّـا
....................خلي يديّني تلامس يا بعد كلـي متونـك
ليست هناك تعليقات:
إرسال تعليق