قالت ..
في غيابك متعبه هاذي الحياه ..
في غيابك ألف قسوة وألف آآآآآآآآآآآآآآه .. !!
قلت ..
لو غيابي ( جرح ) .. وحضوري شفاه ..
ما بينسى القلب منّـك ما خذاه ..!!
قالت ..
الهوى ياما هوى بين الكفوف بكل ( غرور ) ..
والهوى يا ما أسر فينا العواطف .. والشعور ..!!
مرات يضحكنا الهوى ..
ومرات .. يبكينا الهوى ..!
ومرات .. ينسى وينسحب .. ويسحب معه طعم السرور ..!!
قلت ..
الهوى ياما رمى من عاشق(ن) وسط القبور ..!
والهوى ياما عطا للهايمين أنواع جور ..!
كم قلب بالنار أنكوى
بـ اسباب جمرات الهوى
والمشكلة محد(ن) يتوب .. ونبقى في الحاله ندور ..!!
قالت ..
مرّه تمنيتك معي
تمحي ألم ماضي دفين
تسكن ضلوعي وخافقي
وتنهي مسافات الأنين
تاخذ معك آآه وألم .. تاخذ معك دمع وندم
وتاخذ معك جور السنين ..!
قلت ..
تدرين إنك مطمعي
وإني أبادلك الحنين
وإحساسي بـ حبك نقي
عدّت سنه وإلا سنين
احساس يعجز به قلم .. ويمكن بعد يّكتب بدم
هذا انا .. بدونك حزين ..!!
قالت ..
مره تمناني الهوى
جاني وأنا وسط الزحام
داعب خدودي وشفتي
وأعلن ابشعلها غرام
حاول يآنس وحدتي .. حاول وأنا دون اهتمام
اتجاهله واعذبه واثقل على حلو الكلام
اغمز ويتبع غمزتي .. ويجيني واتحاشى الصدام
يرجو خضوعي ورحمتي واتوعده والقى الملام
احيّره واسهر معه وأنعم أنا بدافي المنام
قلت ..
شوي .. شوي يا آنسه
وش فيك ما قلتي سلام ...؟؟
معقول كل هذا هوى ..؟
وإلا عبارات .. وكلام ..!!
لا تحلمين وتتعبين .. ويتبدل النور بـ ظلام ..!
وعلى الثقل .. لا تثقلين .. ما يجتمع صد وهيام
وبخصوص غمزك والعذاب .. ما أظن يغريني الغرام ..!
بغمض عيوني خلاص .. ويمكن بعد أنسى وأنام ..!!!!
قالت ..
ويغيب كاتم حسرته ..
يشكي عذابي وكسرته
ويعود ويسأل يا "أنا"
ليه الثقل ليه الخصام ..؟
وأجاوبك مسترسله ..
وينك وأنا عطشى هيام .؟
وينك وأنا آنادي أبييييييك .. وينك وأنا همومي جسام .؟
أبعد وأنسى يا هوى واحفظ شموخي والمقام
وأحرص على قلوب البشر والزهر وسروب الحمام
أنسى عيوني وضحكتي ولا تلتفت لي والسلام ..!
قلت ..
قلبي أنخلق في عبرته
يا .. "آهـ" طفي جمرته
طفي عذابي والأنين
طفي ترى هذا حرام .....!
أنا هنا .. بدونك كسير
في كل لحظة وكل عام
أنا هنا .. جنب الغدير
أنطر رجوعك والسلام ..!
ليست هناك تعليقات:
إرسال تعليق