يالله ياللي تغفـر الذنـب برضـاك
...................أطلبـك تجبـر كسرنـا لا بلينـا
كنت أشتكي لوسادتي يوم ممشـاك
...................في غيبتك يا صاحبـي مـا سلينـا
وإن صحت ياللي تبري الجرح جيناك
...................تسريبنا وحنّا معـك مـا سرينـا
أعطيك عمري تاخذه دوم يفـداك
...................تخطي ونصبر عمرنـا مـا شكينـا
والحين تحلم لو يجي يـوم و ألقـاك
...................بعتك رخيص وليتنـا مـا شرينـا
اسمع تراني بكتـب اليـوم فرقـاك
...................دامك نويـت البعـد حنّـا نوينـا
إنسى حروفي والقصايد وما جـاك
...................وإنسـى هبوبـك بالمحبـة تجينـا
ياللي تمادى وأعلن الصـد عفنـاك
...................عنكـم تحـوّل دربنـا وانكوينـا
امش الطريق إللي سلكتـه بيمنـاك
...................ويحرم عليك ألقاك مهمـا مشينـا
ماني بمتحسّف على مثـل شـرواك
...................ابعـد وروّح ليتنـا مـا هويـنـا
مافي رخيص بذا الملاييـن يسـواك
...................يلله دخيلك وش بقي مـا جنينـا
ياليـت ربـي بالعذاريـب يبـلاك
...................ولو يحرق اعضامك ترى ما بكينـا
ليست هناك تعليقات:
إرسال تعليق