على كف القصيد اللي تعدّى للحدود أوزان
....................رسمت بدفتري معنى يجـدد كـل مـا فينـي
عزفتك لحن ما تشبه حروفه باقـي الالحـان
....................صدى بوحك لقيته مقترن بالـروح يشفينـي
حلمت اتخيّلك واحلم بقربك خافقي ولهـان
....................وحلمي صار من زود المحبة حيـل يشقينـي
عيوني ..خافقي .. همسي تحرّى حزّة الرحمـن
....................رجا وصلك وتفكيرك عن الباقيـن يكفينـي
تشابه كل ما فيني ولان إللي قسـا مـا لان
....................لجل حبك وروعة طيفك إلي لاح فـي عينـي
لفيتك تايه الخطوة متيّـم بالهـوى ضميـان
....................لفيتك يوم وصلك مـن كثيـر آلام يبرينـي
تعبت من الشقا وإللي مضالي بالهموم أزمـان
....................زمن يسرق من أيامي شهر ..وشهور ..وسنيني
تعلمت المحبة من حنانك والقلـوب أوطـان
....................وطن من غير زولك يا وليف الروح ينفينـي
تعلمت الوفا ومن المودة مـا شكـا الميـزان
....................تساوت كفّتينه وان حصل من نقص تعطينـي
مشينا فالدروب وما لقينـا للجفـا عنـوان
....................أخاوي نبض خطواته وهـو مثلـي يخاوينـي
تشابه لون طيفه في عيوني والوصوف ألـوان
....................ولا منّه تكدر خاطـري بالحيـل يرضينـي
ولو جار الزمان إللي جمعنا بالطريـق وشـان
....................مصير الحي يتلاقى ومهمـا غبـت تلقينـي
أنا مهما ذبل وردي وبانت حيرتي.. إنسـان
....................أعانق قلب وافي من خمور العشـق يروينـي
ليست هناك تعليقات:
إرسال تعليق