البارحه مريت سوق "الـرد سـي"
........................سيارتي عطلت .. وراكب "تكسـي"
دخلـت مستعجـل ونفسـي آكـل
........................خطوه تقدمني وخطـوه "عكسـي"
رحت المطاعم وكـل همـي لقمـه
........................تطفي لضى جوعي وترضي نفسـي
المشكله زحمه .. وهيصه .. بيصه
........................جالـس أدوّر فالزوايـا كـرسـي
جلست آكـل مـا احـس العالـم
........................ما غير ضرسي ينطبق في ضرسي
"فجأه" .. تناديني .. هلا بالشاعـر
........................مدري حقيقه أو مخـرّف حدسـي
قمـت ألتفـت للطاولـه قـدامـي
........................وإلا " القمر " ياكل .. ويشرب ببسي
لبا العيـون إللـي خلقهـا ربـي
........................الصوت ناعم .. لا وربـي همسـي
قالـت تفضـل يالغـلا شاركنـي
........................مـو قـادره آكـل بقيـة شبسـي
اقسم بربي .. جـد أنـا مستغـرب
........................وشلون عرفتني وعرفـت لبسـي
سألتها .. وش عرّفـك بالشاعـر
........................قالت قصيـدك فالمشاعـر يمسـي
قامت تسولف .. وكنت فاتح فمـي
........................بس حذرتنـي "لاتحـاول" لمسـي
كتبت رقمـي مرتبـك .. متهـوّر
........................عطيتها بيـدي وقالـت "مرسـي"
فجأه أحس بضربـةً فـي راسـي
........................من يد والدهـا براسـي "غرسـي"
صحيت متألـم .. وانـا بالغرفـه
........................ماهو أبوها .. لا هـذا "ضرسـي"
